Перадавы педагагічны вопыт – гэта сродак мэтанакіраванага ўдасканалення навучальнага працэсу, які задавальняе актуальныя патрэбнасці практыкі навучання і выхавання!
(Я. С. Турбоўскай)
Перадавы педагагічны вопыт дапамагае выхавацелю вывучыць новыя падыходы да працы з дзецьмі, вылучыць іх з масавай практыкі. У той жа час ён падахвочвае ініцыятыву, творчасць, садзейнічае ўдасканаленню прафесійнага майстэрства. Перадавы досвед зараджаецца ў масавай практыцы і з'яўляецца ў нейкай ступені яе вынікам.
Для любога педагога, які вывучае перадавы вопыт, важны не толькі вынік, але і метады, прыёмы, пры дапамозе якіх дасягнуты гэты вынік. Гэта дазваляе сувымераць свае магчымасці і прыняць рашэнне аб укараненні вопыту ў сваю працу.
Перадавы вопыт – самая хуткая, аператыўная форма вырашэння наспелых у практыцы супярэчнасцей, хуткага рэагавання на грамадскія запыты, на зменлівую сітуацыю навучання і выхавання. Народжаны ў гушчы жыцця перадавы досвед інструментальны і пры выкананні шэрагу ўмоў паспяхова прыжываецца ў новых умовах, ён найболей пераканаўчы, прывабны для практыкі, бо прадстаўлены ў жывой, пэўнай форме.
У сілу такой асаблівай ролі перадавога вопыту штогод у рамках метадычнай работы ў дзіцячых установах праводзяцца адкрытыя паказы, а якіх і прадстаўляецца лепшы вопыт работы па адным з напрамкаў дашкольнай педагогікі.
Практыка паказвае, што вывучэнне, абагульненне і ўкараненне педагагічнага вопыту з'яўляецца найважнейшай функцыяй метадычнай работы, якая пранізвае змест і ўсе яе формы і метады. Значэнне перадавога вопыту цяжка пераацаніць, ён навучае, выхоўвае, развівае педагогаў. Будучы па сутнасці вельмі цесна звязаны з прагрэсіўнымі ідэямі сучаснай педагогікі і псіхалогіі, заснаваны на дасягненнях і заканамернасцях навукі, гэты вопыт служыць найбольш надзейным правадніком перадавых ідэй і тэхналогій у практыку УДВ.
Вывучэнне, абагульненне і ўкараненне перадавога педагагічнага вопыту праводзіцца ў цесным кантакце з намеснікам загадчыка па асноўнай дзейнасці. У ІМЦ неабходна мець адрасы педагагічнага вопыту выхавацеляў і спецыялістаў.